ZAZPIAK BAT

Txoko honetan hainbat ibilbide proposatuko dizkizugu zeure gogoko kirolas goza dezazun. Ibilbideen zerrenda gehitzen joango gara baina parte hartu nahi izan ezkero, bidal eiguzu zure ibilbide-proposamena eta gustora gehituko dugu atal honetan.

Larrun mendiaren gerizpean

Sara

Irunetik irtetzen gara eta Behobiako pasabidetik Donibane Lohitzunerako norabidea hartzen dugu. Lehendabiziko zailtasuna kilometro erdiko aldapako malda izango da. Donibane Lohitzunera heldu aurretik, Senpererako saihesbidea hartuko dugu. Senpereko herria zeharkatuko dugu, bere erromesen etxea eta “Gateaux Basque” gozoen jatorrizko herria izateagatik ezaguna, eta hemetik, ikusten dugun lehenengo biribilbidean, eskumako errepidea hartuko dugu Sara herrirantza.

Geure ibilbidearekin jarraitu aurretik, herriko enparantzatik bertatik eta Col de San Inaziorako norabidean goazela, Sarako eliza bisita dezakegu. Gain honetatik Larrunera igotzeko trena har genezake, euskal kostaldearen balkoia eta granitoz jositako natura parajea.
Geure ibilbidearekin jarraituz, aldapan behera, Ainhoa herri ederrera helduko gara. Sarreran ezkerrerako errepidea hartuko dugu Ibardinerako norabiderantz. Ibardinerako portua igotzeko saihesbidean bertan, eskumako bidea hartuko dugu eta aurrera jarraituko dugu zuzen-zuzen. Mugarako bidea erakusten duen biribilgune bat aurkituko dugu. Behobia eta Irunerako errepide hori hartuko dugu eta abiapuntu izan den tokia gure ibilbidearen helmuga ere izango da.

Datu teknikoak

Tokia: Gipuzkoatik hasi eta ibilbideak Iparraldeko lurrak zeharkatzen ditu, Donibane Lohitzune, Senpere, Sara eta Ainhoa herri ezin ederragoak bisitatuz.
Distantzia: 60 Km.
Beharrezko denbora: 3 ordu
Ibilbidearen zailtasuna: Ertaina
Iturri eta behatokiak: Iturriak ibilbide guztian zehar daude sakabanatuta

Ostatu eta jatetxeak:

http://www.bidasoaturismo.com/
http://www.basquecountry-tourism.com/
http://www.basquetour.com/

Interesguneak: Donibane Lohitzune, Senpere, Sara, Ainhoa eta Larrun