Entrenamenduari buruzko jakingarriak Jarraitu aurretik, horren eztabaidagarria eta polemikoa den gai baten gainean, ZAZPIAK BATen asmoa, txirrindularitzaren jardunean eta ibilbideeetan baliagarri izan dakizkizuken aholkuak igortzea da. Entrenamendua txirrindularitzaren muina eta ardatza da eta, beraz, entrenatzen ez badugu edota okerreko erara egiten badugu, bizikletarekin gozatu baino alderantzizko efektua lortuko dugu, alegia, bizikletarekin sufritzea. Gure osasunak okerrera egin lezake eta kalteak ugariak izan litezke. Geure gorputza ondorengo orduetan egingo dugun ahaleginaren parera egokitu beharko dugu. Horretarako, lehendabiziko irteerak, garapen laburrekin egingo ditugu ( plater txikia eta pinoi handia). Hanken bizkortasunaren eta oinpekoei ematearen artean oreka mantendu beharko dugu. Hortxe legoke benetako gakoa!. Asteburuetako irteerei dagokienez, asteguneetan irteeraren bat egitea gomendatzen dugu edo, asteko egun bitan behintzat, arrabolarekin belaunak lantzea aholkatzen dugu. Aspaldiko siniskera da, kilometro kopurua eta bizikletaren gainean emandako orduak arrakastaren giltzarri direla baina, gaur egungo entrenamendu sistema berriztzaileekin, emaitza berak lortzen dira baina kilometro eta entrenamendu ordu murritzagoekin. Zuzen diseinatutako entrenamendu programa batek zeure abiadura, erresistentzia eta ahalmena indartuko ditu, horiek baitira forma onean mantentzeko oinarriak. Entrenamenduak eta irteerak jasateko adinako erresistentzia lortzea litzateke lehendabiziko urratsa. Horregatik, oxigeno kontsumoa bizkortu beharko dugu, bereziki, giharretako zuntz lentoetakoak.
Forma fisikoa hobetu edo mantendu gura duen adin nagusiko txirrindulariak kontutan izan behar du, lantzean behin, desiratzen duen forma físiko hori lortzeko, entrenamendu orduak gehiagotu beharko dituela. Entrenamendu “gogorra eta arina”ren zentzugabekeria ekidi beharko dugu, honek arin nekatuko gaitulako. Mailakako entrenamendu sistema da egokiena. Erregulartasuna faktore garrantzitsua da baina baita dieta eta pisua mantentzea. Asmoa, gorputzeko pisua mantentzea, forma fisiko egokia lortzea edota Txirrindularitza Lasterketa luzeetan parte hartzea izanik ere, 8/12-bat asteetako prestakuntza beharrezkoa izango da. Denbora tarte hau, erresistentzia eta baldintza aerobikoa indartzeko nahikoa izango zaigu. Arestian esandakoa aintzat hartuta, personaren bihotz-erritmoaren araberako %65 eta %85-90 arteko mugen artean egin beharko da entrenamendua. Gehienezko bihotz-erritmoa kalkulatzeko, berriz, kirol osagile batek ahalegin aproba egitea litzateke egokiena baina geure Federazioak, zoritxarrez, ekintza horiek egiteko ahalmenik ez du. Beraz, ahalegin aproba hori bakoitzak ordaindu edota, emaitza arinagoa lortu nahi izan ezkero, honako formula aplika lezake: Gehienezko bihotz-erritmoa: 220- adina Lehen zehaztu ditugun portzentaiekin alderatuko dugu emaitza eta berehala
pultsometro batekin kontrolatuko dugu. Ondoko formula ez da zehatzenetarikoa
baina ikerkuntza-zentro eta aditu esanguratsuenek babesten dute.
|
|
 |
 |
 |
|
|
|
 |
 |
